Pundok kontra pork barrel miawhag sa tanan nga magmabinantayon

CEBU, Philippines - Gihingusgan sa Arsobispo sa Sugbu Jose Palma ang padayong pagbantay sa mga hisgutanan kabahin sa pork barrel.

Matud ni Cebu Archbishop Jose Palma, dili angay magkumpyansa  ang katawhan bisan pa man og miluwat na og desisyon ang Korte Suprema nga nagpunting sa Priority Development Assistance Fund (PDAF) isip wala mahisubay sa batakang balaud.

"The idea of Judge (Meinrado) Paredes is very wonderful. Ingon siya nga PDAF is unconstitutional. Pero he said nga we should not just stop and just cross our legs and mag smile-smile kita. Kay like many other government initiatives, ug mag relax ta, basin mag resurrect. Basin banhawon,”  matud pang Palma.

 Si Judge Paredes, sama ni Palma, usa  sa mga mamumulong sa gipahigayon kagahapong general assembly sa Cebu Coalition Against the Pork Barrel System didto sa Archbishop's Residence nga gitambungan sa 70 miyembrong organisasyon nga nagtinguhang wagtangon na ang PDAF ug kurapsyon.

Ang pork barrel gitawag usab nga lump-sum, usa ka discretionary funds sa mga miyembro sa lehislatura. Matud ni Paredes nga ang pork barrel namugna na sugod niadtong 1922 sa wala pa ang martial law era nga gitawag og congressional pork barrel.

Ug tungod kay gi- abolished naman ang Priority Development Assistance Fund (PDAF), matod ni Paredes angay bantayan sa katawhan kay ang tanang pork atua na sa presidente.

Matud niya nga kinahanglan tanan ang mo-participate-simbahan ug ang katawhan sa pagbantay.

Si Coalition convenor Marc Canton nagkanayon nga tungod sa linog ug bagyo nga miigo sa nasud nihinay sila sa ilang kampanya batok kurapsyon kay kinahanglan pa man silang motabang sa mga nabiktima niini.

Si Palma miingon nga kawang lamang ang paningkamot sa tanan kung kalit nga mabanhaw  ang pork barrel.

Atol sa iyang pamahayag, si Palma mipadangat ug mipasabot sa mensahe sa Santo Papa Francis  nga kinahanglang manginlabot sa problema sa komunidad isip  mga Kristiyano.

"So in principle, the Pope was saying nga we should not be allergic to the concerns of the society. We should be able to love the country and our society so much that we should be very concern about what's happening around us and he was saying it is our duty to make this world a better place to live in. So that involves the kind of laws that we have, the kind of system that we have. And he said we should not be afraid to voice out what we think would be good for our society and for our country," matud ni Palma.

Nunot niini, iya usab gidepensahan ang pagpanginlabot sa Simbahan kalabot sa pork barrel.

"Some people might think I'm an archbishop, how come I'm interested with pork barrel. How come I'm interested with PDAF, with these things. But precisely because of the concerns which affect the lives of the people and if we discern and think of a better way to use taxes, of a better way to use the money of the government, of a better way that we can profit from what we are paying to the government, then we make our community a better place to live in. So it's not my idea. I'm explaining the idea of Pope Francis. That is beautiful and I think that's very timely," ang arsobispo nagkanayon.  (BANAT NEWS)