Crime Rate sa Cebu City ni-doble sa 2013
CEBU, Philippines - Nadoble ang krimen sa dakbayan sa Sugbo sa miaging tuig kompara sa tuig 2012 base sa datus sa kapolisan.
Misaka ngadto sa 113% ang gidaghanaon sa krimen nga natala sa kapolisan tungod sa bag-ong sistema sa paglista sa tanang krimen nga nahitabo labi na sa kabarangayan sumala pa sa hepe sa Investigation and Detection Management branch sa Cebu City Police Office Chief Insp. Aileen Recla. Matud pa nga miabot sa 12,478 ka mga kaso ang na-record sa kapolisan nga nahitabo sa dakbayan sa Sugbo sa miaging tuig.
“Apil na ang barangay karon, unlike sa una nga ang mga incidents ra na na-blotter sa police stations ang apil sa statistics,†matud ni Recla.
“This is to see the real picture of the place. Dapat mao g’yud unta ni ang system, dili i-disregard ang mga na-report sa barangay kay buot hunahunaon, gikan sa mga barangay ang mga insidenteng nahitabo,†dugang ni Recla.
Matud pa kini sukwahi sa natala nga 5,857 lang ka mga kaso sa tuig 2012. Nag-unang mga natala nga krimen mao ang theft, robbery ug physical injuries. (BANAT NEWS)
- Latest
