P200 milyones ang ihinabang sa Aboitiz sa biktima sa bagyo
CEBU, Philippines - Ang Aboitiz Group, pinaagi sa ilang social development arm, ang Aboitiz Foundation, milaum nga makatigom og P200 million sa sunod nga semana aron ihinabang sa mga biktima sa super typhoon Yolanda.
Matud pa ni Errmaon Aboitiz, presidente ug chief executive officer sa Aboitiz Equity Ventures sa iyang mensahe nga gipadala sa Banat News kagahapong adlawa, nga usa ka special task force ang gimugna sa Aboitiz Group aron mahiusa ang vital resources ug donasyon.
Sa pagka karon, ang Aboitiz Group nakahipus na og P135 million, diin ang P50 million gikan sa Aboitiz Foundation nga panudlanan karon, P25 million gikan sa Union Bank, P15 million sa SN Aboitiz Power, P19 million gikan sa Aboitiz Power, P20 million gikan sa Aboitiz family ug P5 million gikan sa actress nga si Sharon Cuneta.
Dungag pa ni Aboitiz nga naglaom siya nga daghan pang mga donasyon ang moabot gikan sa iyang pamilya, kahigalaan, ug sa publiko.
Ang Aboitiz Foundation, nagpahigayon og relief operations sa ilang command center sa Cebu sukad pa sa miaging Domingo ug nagtinguha kini nga makapanghatag og 14,500 ka relief packs sa Northern Cebu sama sa Bogo City ug mga lungsod sa San Remigio, Medellin Bantayan Island.
“Let us draw from our passion to serve and heed this call of action amid this time of crisisâ€, matud pa ni Aboitiz.(/WC)(BANAT NEWS)
- Latest
