50 police trainee wagtang sa bawod

CEBU, Philippines -  Gitataw  sa tigpamaba  sa Regional Police Office (PRO)7 nga  di momenus 50 ka  mga police  trainee sa Tacloban ang nangawagtang human magusbat  ang  ilang training school  nga nasabak sa  mga  higanteng  bawod  sa bagyong Yolanda  niadtong  Biyernes  sa  buntag.Gitataw ni Public Information Officer (PIO) Supt. Renato Dugan nga sa 50 ka mga trainees wala pay kasayoran kung aduna bay mga naluwas o nakalas.

Kini  tungod  kay  nahimutang kining maong  training  school  pipila lang ka metro  gikan  sa baybayon. Matud pa  ni Supt. Dugan nga  ang  mga trainee didto  ra  sa sulod  sa maong training  school  dihang kalit lang misaka ang dagat nga dala sa  mga  higanteng  bawod  niini.      

Human  niadto  namingaw  ang  tanan  kay  nagusbat  ang  maong  eskuylahan  ug  wala  na  hisayri kun  may namatay  ba  o  kaha  nabuhi  sa maong  mga  trainee.     

Samtang nakalas usab ang duha ka mga sundalo  nga didto sulod sa barracks sa Philippine Military dili halayo sa RTS8.      Gikompirmar kini sa tigpamaba sa Central Command sa Armed Forces of the Philippines Lt. Jim Alagao nga nahinabi sa The Freeman/Banat News.      Samtang kompirmadong naluwas ang usa ka opisyal nga kanhi nadestino sa Criminal Investigation and Detection Group 7 kauban sa iyang bana nga polis sa maong storm surge.     Ang kompirmadong naluwas mao si Sr. Insp. Lerio Coral ug si SPO2  Noel Coral nga nagpuyo sa V&G Subdivision sa dakbayan sa Tacloban samtang wala pa nila matino kung asa na ang ilang tulo ka mga anak karon.  (BANAT NEWS)