Navarro nasublian sa katungdanan

CEBU, Philippines - Subling napili isip kapitan sa barangay Punta Princesa si Kapitan Jose Navarro sa milabay nga piniliay sa barangay.

Si Navarro giatbangan sa paglansar ni Leo Lauron niadtong Oktubre 28 nga piniliay ubos sa pundok niini nga Join Friends of Navarro (JFN) Team. Si Navarro mao ang nag-unang kritiko ni kanhi south district Kong. Tomas Osmeña.

Uban nga midaog ni Navarro mao ang iyang pito ka mga kandidato sa konsehal diin upat niini mga re-electionists ug ang tulo mga bag-ong nawong sa politika sa barangay Punta Princesa.

Ang mga napili pag-usab sila si  Grace Caroline Baquero, Restituto Atillo, Alvin Paez ug si Joselito Navarro. Samtang ang bag-ong napili mao sila si Benedicto Abella, Sherwin Lequit ug  Oliver Chua.

Matud pa nga ang resulta sa eleksyon sa Punta Princesa nagpakita lang sa ka maayo sa pag-alagad ni Kapitan Jose Navarro sa milabay niya nga termino. Si Navarro gikataho nga mibubo og mga proyekto sa barangay Punta Princesa nga mosobra sa P20 milyones. (BANAT NEWS)