Hepe sa TCPS ipatawag kalabot sa paghimulbol sa mga motor
CEBU, Philippines - Aprobado na kagahapon sa buntag sa konseho sa dakbayan sa Talisay atol sa ilang regular session ang resolusyon nga gipalabang ni Konsehal Danny Caballero nga nag-awhag sa hepe sa kapolisan sa siyudad nga pasumitiron og comprehensive report sa status sa mga na-impound nga motorsiklo.
Ang maong lakang ni Caballero kinsa maoy chairman sa committee on police mitumaw human sa report nga giingong gihimulbolan ang mga motorsiklong na-impound sa kapolisan. Ang maong mga motorsiklo naa nahimutang sa impounding area kilid sa building sa Talisay City Police Station sa barangay Poblacion diin uban niini ang nangadugta na tungod sa uwan ug init.
Buot masayran sa opisyal sa siyudad kung ang maong mga motorsiklo angayan ba kining ma-forfeit o ma-release pabor sa gobiyerno pinasubay usab sa balaod.
Gawas niini buot usab mapiho ni Caballero ang kabahin sa giingong pagpanguha sa mga spare parts sa mga motorsiklong na-impound ug giingong gi-swap kini ngadto sa laing motorsiklo.
“Whereas, there is also a report that some of the spare parts of these impounded motorcycles were robbed, swapped and destructedâ€, tipik sa resolusyon ni Caballero.
“Whereas, these reported incidents should be clarified by the Talisay City Police for the sustainability of its integrity, competence and loyalty towards the publicâ€, laing tipik sa resolusyon ni Caballero.
Si Caballero mibase kini sa Section 2 sa Akta Republika Numero 6713 o “Code of Conduct and Ethical Standards for Public Officials and Employees†diin ang mga kawani sa estado o gobiyerno maoy modelo sa high standard of ethics. (BANAT NEWS)
- Latest
- Trending
