Nagduwa sa kinatawo sud sa bus gikasohan

CEBU, Philippines - Kaso nga grave scandal ang napasaka batok sa usa ka electrician kinsa giingong nagduwa sa iyang kinatawo atubangan sa usa ka policewoman samtang sakay sa bus adtong Biyernes sa buntag sa Barangay Li-ong, Dumanjug.

Ang gikasohan mao si Michael Oyangoren, 35,  taga Barangay Alanbijud, Argao ngadto sa Municipal Circuit Trial Court (MCTC) sa Dumanjug.

“Mao na to siya ang kaso instead nga acts of lasciviousness mas haum ang grave scandal,” matud ni PO1 Roda Singson sa interview sa TV5 Aksyon Balita.

Si Oyangoren gisikop ni PO1 Roda Singson  inabagan ni SPO2 Saul Alejandria.

Matud pang Singson misuway unta siya sa pagkatulog apan wala niya kini mahimo  tungod kay pwerteng langasa ni Oyangoren nga diha sa iyang tapad.

Si Singson kinsa nadestino sa Lapulapu City Police Office diin siya madestino isip Women’s and Children’s Protection Desk officer miingon nga una niyang nabantayan nga nag- text ang suspek apan sunod niyang nakit-an nagtan-aw na kini og x-rated nga video sa iyang cellphone.

Matud pang Singson si Oyangoren mibarug dayong kuha sa bag niini dayung butang sa paa ug giduwaan ang iyang kinatawo hinungdan nga mibalhin si Singson og lingkuranan ug nangayo siya og tabang sa konduktor nga ihunong ang maong bus sa munisipyo.

Timing lang nga didto si SPO2 Saul Alejandria nga maoy mitabang kang Singson.

“Mao pa man gud pagkita nako atong video pero dili nako mangayo og pasaylo kay humana ko og pangayo adtong Biyernes,” matud ni Oyangoren.( /EIM)    (BANAT NEWS)