P2ll milyones ang gikita sa BOC sa subasta sa bugas
CEBU, Philippines - Mikita og P211,748,280.00 milyones ang Bureau of Customs (BOC) human sa pagsubasta sa 156,000 ka sakong bugas kagahapon.
Ang maong mga bugas gikarga sa 312 ka container vans ug ang subasta didto himoa sa buhatan ni Customs District Collector Edward dela Cuesta.
May 32 ka mga Lote ang gitagana sa 5,200 ka sinakong bugas nga may floor price nga mokabat sa P6,656,000 milyones matag lote.
Atol sa maong bidding, 25 ka mga bidder ang misalmot human kini makapasar sa mga gipangayo kanila nga mga requirement sa taga custom.
Ang mga midaug mao ang Veramar Rice Mill, EBT agro commercial, Romeo Mariano Jr., Inter Continental, MNPS, DSIDC, Boss Merchandising, Nursery Farmers, Paracao Gen. Merchandise, San Isidro Lower Womans Cooperative, Pacific Rim Harvester, Angel Gabriel Trading, RPS Merchandising, Queen Mary Bakeshop, Queen Car Agri. Store ug RBS nga maoy nakakuha sa balor nga P10 milyones nga bugas nga bali og 7,800 ka sakong bugas.
Miginansiya ang BOC og P4,081,080 milyones sa maong subasta.
Gikalipay ni Dela Cuesta ang gidaghanon sa mga misalmot sa bidding nga naggikan sa kaulohan, Davao, Cagayan de Oro City ug mga negosyante sa Sugbo.
Gipadayag ni dela Cuesta nga walay bidder nga misalmot nga gidudahang tag-iya sa bugas nga nasakmit .
Kini gumikan sa ilang subsob nga background checking sa mga entrante niini.
Ang bidding nakahatag og igong mensahe sa mga rice smuggler nga dako ang ilang alkanse kung madakpan ang ilang mga ipalusot nga bugas. (BANAT NEWS)
- Latest
