Canadian gidakop tungod sa pagdudang nalambigit sa child pornography
CEBU, Philippines - Usa ka Canadian ang gipasakaan og kasong child abuse diha sa Cebu City Prosecutor’s Office tungod sa pagdudang pakig-sex niini sa mga bata sud sa iyang condo unit. Si Atty. Bernard dela Cruz, kinsa maoy agent on case sayo niini miingon nga nakadawat siya og report nga ang suspek nga si Garry Dwayne Kevol, nagpuyo sa 2F Citylights Garden Tower 3, Apas, Cebu City nakit-ang adunay mga kuyog nga batang babaye sa iyang condo unit.
“Acting on the said information and after having authority to investigate from the Regional Director, the agent on case together with supervising agent Reynaldo Villordon conducted a thorough investigation on the said illegal activities of Kevol,†sumala pa sa dokumento. Giingong nahitabo kini niadtong Hunyo 14, 2013 sa alas- 4 sa hapon. Plano karon mokuha og kopya ang NBI sa video footage sa CCTV camera sa maong condominium nga nagkuyog ang suspek ug ang mga batang babaye niadtong Hunyo 7, 2013.
Matud pa nga pipila sa mga ahente ang nakapangutana pa sa mga batang babaye kung kang kinsa ang maong sakyanan ug sila gitug-anan nga iya kini ni Kevol.
Nianang Hunyo 14, 2013, kauban ang mga sakop sa Cebu City Department of Social Welfare samtang ilang gi-interbyu ang upat ka mga batang babaye nakadawat si Dela Cruz og tawag gikan kang special investigator Florante Gaoiran nga nagpahibalo kaniyang dunay kaubang gidudahang minor de edad nga babaye si Kevol sa elevator sa Citylights.
Tungod niini, ilang giadto ang condo unit ni Kevol ug didto kauban ni NBI Regional Director Antonio Pagatpat ug social welfare officer Dexter Paro ilang gidakop ang suspek ug giluwas ang kinse anyos nga dalagita. (BANAT NEWS)
- Latest
