Tulo ka gwardiya sa Dept. Maoy nakasohan sa ducayag murder
CEBU, Philippines - Napasakaan na’g kasong kriminal ang gipasanginlang namun-og patay kang Mario Alfie Ducayag sa Cebu City Prosecutor’s Office kagahapon.Sila si Mauricio Doblados, 30, nga taga 48 B. Gil Tudtud St., Mabolo, Cebu City; Jeffrey Aquino, 31, taga 102-A, B. Rodriguez St., Sambag II, Cebu City ug Melvin Boyles taga St. Luke St., Don Bosco Village, Barangay Punta, Cebu City nag-atubang na og kasong murder.
Kahinumduman nga adtong Abril 12, 2013, gidakop sa mga gwardiya sa usa ka dakong mall sa dalan Colon si Ducayag tungod sa pasangil nga nangawat kini og sandals, apan namatay kini samtang ilang “gikostudiya.â€
Migawas sa autopsy sa NBI nga namatay kini sa trauma sa iyang spinal column dapit sa liog.
Matod ni Atty. Bernard dela Cruz, agent on case, nadugay sila sa pag-file sa kaso tungod sa makuting imbestigasyon ug pagtakdo sa mga pamahayag sa mga tawong ilang gi-interbyu, mga hulagway ug uban pang mga ebidensya sa kaso.
Gawas sa kasong murder batok kang Doblados gikasohan usab og obstruction of justice tungod sa nakuha nilang dokumento nga giingong gimandoan ni Doblados si security guard Margie Gacer nga himo-himoan og estorya ang nahitabo kang Ducayag.
Matud ni Gacer, sa wala pa siya moadto sa NBI nakadawat siya’g tawag ug mensahe gikan ni Doblados nga nagmando niyang iparehas ang pamahayag niini sa pamahayag nga iyang gibutyag sa NBI nga siya (Gacer) maoy midakop kang Ducayag diha sa exit nga way resibo.
Apan si Gacer miingon nga wala siya ma-assign sa exit gate-1 kundili sa entrance gate-1, dili usab siya maoy nakadakop ni Ducayag niadtong panahona. Ang pamilyang Ducayag nalipay sa dagan sa kaso. Si Mario Alfie dunay duha ka anak nga anaa karun sa kustodiya sa iyang inahan nga si Fe Soledad.( /EIM) (BANAT NEWS)
- Latest
