Tikasan nga mga pasaheroang traysikol sa Mandaue gisolusyonan sa franchising board
CEBU, Philippines - Pailisan na sa siyudad sa Mandaue ang mga business plates sa mga pasaheroang traysikol aron dili magkaparehas sa uban.
Kini maoy nakab-ot nga desisyon sa bag-ohay lang nahuman nga “city franchising board†pinangulohan ni Mayor Jonas Cortes.
Nasuta nga daghang mga tricycle operators nga wala na mag-renew sa ilang prangkisa ang manghuwam lang sa business plates sa mga tindahan aron maoy ikabit sa ilang mga traysikol aron dili sila dakpon.
Pinaagi sa special business tax plates sa mga traysikol dili na sila makapanikas pa.Kini ibutang sa sud sa traysikol aron makita sa mga pasahero ug sa mo-check nga traffic enforcers.
Giawhag usab ni Calipayan ang mga pasahero nga di mosakay sa mga traysikol nga kadudahan ang business plates tungod kay walay benepisyo silang makuha gikan sa insurance kung madisgrasya sila.
Sa pagkakaron, adunay 1,485 ka mga traysikol nga nagpa-renew sa ilang prangkisa. Duna pay 515 nga bakante. Ang Mandaue nagbutang og limit sa gidaghanon sa mga traysikol nga magbiyahian sa Mandaue aron mamenusan ang kahuot sa trapiko.
Ang bag-ohay lang naaprubahang “Tricycle for Hire Franchising Board†gilangkuban sa representante sa Land Transportation Office nga si Dennis Bustillo; Land Transportation Franchising and Regulatory Board nga girepresentahan sa director niini nga si Ahmed Cuizon; Department of Interior and Local Government nga girepresentahan usab ni Jhoaden Lucero ug ubang local officials.
Ang franchising board nahulma pinasikad sa Executive Order number 02 niadto pang tuig 2013 nga bag-ohay lang giaprubahan ni Cortes niadtong Pebrero 13.
“ Kinahanglan siya og nay board because the grant of franchise is a privilege given by the city of Mandaue to individuals therefore there must be qualifications it cannot be granted by just any, other persons,†matud pang Atty. Jamaal Calipayan, ang secretary ni Cortes. (BANAT NEWS)
- Latest
