“Killer” nadakpan sa polis nga igsuon sa iyang biktima atol sa Police checkpoint

CEBU, Philippines - Usa ka wanted tungod sa kasong pagpatay sa igsuon sa usa ka polis ang nasikop sa usa ka checkpoint diin ang usa sa mga nagbantay nga polis igsuon diay sa iyang biktima kaniadto upat ka tuig na ang nakalabay.

Ang walay swerteng nadakpan mao si Darwin Nievel, 26, kinsa nadakpan diha sa dalan C. Padilla alas- 7 sa gabii niadtong milabay’ng adlaw.

Sumala pa sa report sa Aksyon Bisaya News5, si Nievel adunay pending nga warrant of arrest nga giisyu ni RTC Branch 12 Judge Silvestre Maamo Jr. tungod sa kasong murder nga penetsahan og Septiyembre 22, 2009.   Ang polis nga nakaila kaniya diha sa police checkpoint mao si PO1 Virgilio Belecario nga igsuon sa iyang gipatay niadtong 2008 diha sa Opra sa barangay Kalunasan ning dakbayan.            Nasuta nga nasuko ang suspek ngadto sa biktima tungod kay nasumbagan kini sa naulahi hinungdan nga iyaha kining nadunggaban.

Ang polis nga si Belecario dugay nang nanganti nga iyahang  pangunayan og dakop ang mipatay sa iyang igsuon ug natinuod kini nianang adlawa.  (BANAT NEWS)