DOE mipasalig may igong supply sa kuryente sa adlaw sa election
CEBU, Philippines - Ang Department of Energy (DOE)7 mipasalig nga ang rehiyon 7 may igong supply sa kuryente ilabi na sa adlaw sa ika- duhang automated election sa nasud.
Matud pa ni DOE-7 Regional Director Antonio Labios nga ang kasamtangang kuryente nga gireserba sa Kabisay-an anaa sa 300 MW ngadto sa 400 MW.
"Mapun-an pa kini siya during elections kay dili kaayo dako ang demand sa electricity basta holiday" kini matud pa ni Labios atol sa bag-ohay lang gipahigayon nga Kapihan sa PIA sa Sugbo.
Masaligon usab si Labios nga ang Precinct Count Optical Scan (PCOS) machine nga gigamit sa pagkuha sa balota ug usab sa pag-transmit sa resulta sa election wala gayud manginahanglan og dako nga suplay sa kuryente.
Ang direktiba bahin niini sayo nga giluwat ngadto sa mga supplier sa sugang dagitabnon ug usab sa National Grid Corporation of the Philippines (NGCP) aron masanta ang pagpahigayon og preventive maintenance work sa maong mga planta usa ka semana sa dili pa ang eleksyon ug usa usab ka semana human sa piniliay .
"The reason for this is one week before the elections there are preparations that need to be done, and a week after to give enough time to ensure that counting of ballots will be completely finished," kini dugang pa ni Labios.
Gibutyag usab niya nga ilang napamatud-an niadtong 2010 nga eleksyon nga maoy unang higayon sa pagpatuman sa automated nga piniliay sa nasud diin usa ka semana ang nakalabay human ang eleksyon maoy tukmang panahon alang sa pagkompleto sa inihapay sa mga balota.
Ang DOE nag-umol og Task Force 2013 nga maoy moimplementar og mga panukdanan sa pagtubag sa mga sitwasyon kansang supply sa kuryente problemado ilabi na s a adlaw sa piniliay. (BANAT NEWS)
- Latest
