Brgy Maguikay, Mandaue City

 “Sa flyover eskina Maguikay sir Jun kay dagko kaayo ang libaong kuyaw kaayo namong mga motorista ambot uy kun nganong wa ni atimana sa mga natungdan nga mga opisyal.”

Brgy Sabang, Sibonga, Cebu

“Ang sugal diri sa among lugar Mr. Barangay kay pwerte ka kusog, sama sa madjong, tong-its ug uban pa naa gyod ni sa kilid sa highway wala gyod aksyon amo kapitan.”

Brgy Mantalongon, Barili, Cebu

“Ang mga tanod diri kay mangolekta mag tag 10pesos sa mga driver sa habalhabal matag adlaw, wa gyud ni badlonga nagduda na hinuon mi nga iya ni pagbuot sa amo kapitan.”

Brgy Apas, Cebu City

“Naunsa naman ni amo mga opisyal sa barangay Sir kay wa man kabadlong sa mga kawatan ug adik-adik kay apil among kaldero nga gikawat labi na diri sa may Villa Amores.”

Brgy Masaba, Danao City

“Ask lang unta mi Sir kun pwede ba diay ang konsehal mangunay pagkontrata sa mga project para diri sa among barangay ang nakapait pa gyud kay ang iyang patrabahuon dili taga among barangay nga mga tawo.”

Brgy Dumlog, Toledo City

“Paita sa among kapitan diri Sir uy kay gawas nga bungol, buta pa gyod wa man gud ni siya makakita ug makadungog sa mga reklamo namo sa among karsada nga guba kaayo labi na sa baybay purok Aroma.”

Brgy Gun-Ob , Lapulapu City

“Diri sa Osmeña St. Sir kay dunay mga bata edad og 5 anyos mag-rugby na man bisag daghang mga tawo nga makakita wa say nakabadlong ani nila nga luoy kaayo kaugmaon aning mga bataa.”

Brgy San Jose, Cebu City

“Amo lang unta ireklamo nimo Sir ang basura diri sa Maria Montesori International School kay ari man ilabay ubos sa karsada. Palihog mig tan-aw Sir kay para namo dili ni maayo ilang gibuhat nga unta private man ni ila school.”

Brgy Tingub, Mandaue City

“Naa mi konsehal diri sa barangay Sir mao may nagpasiugda sa sugal labi na diri sa may Upper ambot ngano wala ni siya dakpa nga unta duol ra man sa police station iya balay.”

Brgy Poblacion, Guihulngan, Negros Oriental

“Sa amo munisipyo sir Jun kay daghan kaayo gi-hire nga mga casual nga way mga trabaho, naunsa naman ni amo mayor uy usik-usik ra kuwarta sa lungsod.”

Brgy Basak, Lapulapu City

“Sir Jun wala man tumana ang curfew hours diri sa among lugar, naa man unta City ordinance ani mao nga grabe na mga minor edad sa pagsiaw labi na diri sa among barangay.”

* * *

Alang sa inyong mga reklamo text lang sa 09071678643