Scholarship program ni Soco nagpadayon

CEBU, Philippines - May hayag  nga kaugmaon karon  ang  mga kabus  nga mga tinun-an  ug  ang  mga walay  trabaho  sa isla  sa Hilotongan, sa Bantayan island nga  makabaton  og  suwerte  pinaagi  sa tanyag  ni magpapatigayong  Glenn Soco

Gawas  sa scholarship  ug  livelihood program  nga  ihatag  ni Soco  ngadto  sa  mga  kabus  nga estudyante  apan  utokan sa Hilotongan, giandam  usab  niya  ang  mga maayong  higayon  sa panarbaho  alang  sa  mga  kwalipikadong  molupyo  sa maong  lugar.

Gipahayag  kini  ni Soco  sa  iyang  pagbisita  didto  sa Hilotongan  sa miaging  adlaw  agi  og  pagsanong  sa  imbitasyon  nila ni  Barangay Captain Rey Paclibar ug mga kagawad sa maong barangay

Dihang  gikonsulta  nila  kang Soco  ang  ilang  problema,  gipasaligan  sila  sa naulahi  nga  dili kawangon  ang  ilang  gihangyo.

Nakighimamat  usab  si  Soco   sa gatusan ka mga molupyo sa maong isla   uban  sa mga opisyal sa barangay   ingon  man  mga  barangay health workers ( BHW) ug mga tanod. Si Soco nga kandidato  sa  pagka-bise   gobernador  sa lalawigan  sa Sugbo  sa umaabot  nga piniliay  mipasalig  nga  pangunayan  niya  ang  pag-atiman  sa  mga  suliran  sa taga  Hilotongan.

Sa  pagkakaron  nagpadayon   ang iyang scholarship program  alang sa mga kabus nga tinun-an   nga  mikuha  og mga  short term vocational courses  sa maong isla.

Gani mikapin  sa 100  ka  mga scholar  ni  Soco ang  migraduwar  sa kurso  nga cooking didto  sa Hilotongan  sa miaging  buwan  nga maoy  tumong  sa iyang  pagbisita  sa maong  lugar.

Lakip  nga  giduaw  ni  Soco ang iyang mga scholar sa lungsod sa Madredijos ug Bantayan dungan ang pagpakighimamat sa mga molupyo ug opisyal sa maong isla. (BANAT NEWS)