CEBU, Philippines - Mipasidaan ang mga environmental ug health advocates bahin sa peligrong nagpaabot sa kababayen-ang migamit og mga beauty products nga adunay makadaot nga kemikal nga mapalit karon sa nagkadaiyang tindahan sa downtown Cebu City. Ang Cebu-based Philippine Earth Justice Center inubanan sa Quezon City-based Eco Waste Coalition mipasidaan nga may mga beauty products nga gipamaligya sa Sugbo nalakip sa mga gi-ban tungod sa taas kaayong level sa sagol nga mercury.
Ang mercury, usa ka grabeng toxic chemical nga makaguba sa kidney, sa panit ug sa kaugatan, kasagaran kining isagol sa mga imported skin facial creams nga paputi ug pahamis sa panit.
“Our test buys provide solid evidence that mercury-tainted cosmetics have reached and infected the Cebu market,” matud pa ni Aileen Lucero sa Eco Waste Coalition’s Project Protect nga mihimo niini niadtong Septiyembre 13-14 sa upat ka mga tindahan sa Manalili, V. Gullas ug Colon Streets. Gamit ang portable X-Ray Fluorescent (XRF) spectrometer, nasuta ni Engr. Ramir Castro sa QES (Manila), Inc. nga aduna gyuy high concentrations sa mercury ang mga produkto nga mosunod: Miss Beauty Magic Cream ; S’Zitang Cream; Jiaoli Miraculous Cream ; The Flower Woman 7 Days Whitening and Spot and Night Cream ; Xin Jiaoli 7-Days Specific Eliminating Freckle Cream ; Jiaoli ; S’Zitang 7-Days Specific Eliminating Cream ; ug Woman of Flower.
Kining walo ka mga produkto wa gyud mobutang sa ilang pakete nga ang mercury usa sa ilang active ingredient.
“I find this very alarming as consumers are practically buying poisonous cosmetics that can bring about adverse health effects. This is not acceptable,” matud pa ni Cebu City Councilor Nida Cabrera sa committee on environment. (/EIM)(BANATNEWS)