Ang Kasaysayan Karon: Agosto 23

Sigaw ng Pugad Lawin

1896—Si Andres Bonifacio ug mga kaubanang Katipuneros migisi sa ilang mga sedula dungan sa pagsinggit og “Mabuhay ang Pilipinas!” Kini mao ang sinugdanan sa preparasyon sa mga Filipino paglusad og aktibong giyera batok sa mga mananakop nga Espanyol. Ang maong makasaysayanong hitabo gibansagan kaniadtong “Sigaw ng Pugad Lawin.”

Unang human-powered flight

1977—Natala ang labing unang human-powered flight nga gihimo ni Bryan Allen kinsa gipasidunggan og Kremer Prize tungod niini. Ang creative aerodynamicist nga si Paul MacCready maoy mihimo sa maong abyon nga ang tuyo mao nga makuha ang Henry Kremer Prize nga gitagana sukad pa niadtong 1959 alang sa labing unang human-powered flight. Ang iyang abyon nga gipanganlan og Gossamer Condor migamit lang og pedal aron patuyokon ang propeller sa paglupad og usa ka milya sa Schafter, California. – BANAT NEWS