HDO wa kabalak-i ni Gwen

CEBU, Philippines - Wala makurat si Governor Gwendolyn Garcia sa giluwat nga Hold Departure Order gikan sa Sandigan Bayan batok kaniya.

Kini tungod kay daan nang nangandam ang gobernador kalabot niini bisan pa man nga gibalik na kini sa Sandigan Bayan ngadto sa buhatan sa Ombudsman Manila.

Gitug-an ni Garcia nga ang maong isyu usa ka political harassment kaniya nga gihimo sa iyang kaatbang sa politika.

Hinuon gitataw sa gobernador nga kapaboran gayud unya sa Sandiganbayan ang iyang giduso nga Motion for Reconsideration aron siya makatambong   sa canonization ni Beato Pedro Calungsod didto sa Roma.

Kini aron mahatagan og representasyon ang Sugbo sa mao unya nga kalihukan pinaagi sa iyang pagtambong isip gobernador sa lalawigan sa Sugbo.

Nagtuo ang gobernador nga di mosaler kining maong lakang aron pagpugong sa mga maayo nilang laraw sa politika.  (WC) (BANATNEWS)