Sa kasaysayan karon

Gobiyerno militar

1898— Human sa gi-drama nga giyera tali sa mga Amerkano ug Espanyol diha sa Manila nga miresulta sa pag-surrender sa mga Espanyol dinaliang giestablisar sa mga Amerkano ang military government pinangulohan ni General Wesley Merritt isip maoy American military governor sa Pilipinas, butang nga wala ikahimuot sa mga Pilipinong rebolusyonaryo nga daw giilad sa duha ka mga langyaw’ng mananakop sa Pilipinas nga miresulta sa sinugdanan sa Filipino-American War.

“Hello?”

1877—Maayo ba kaha paminawon kung pagtubag nato sa telepono “Ahoy,ahoy” ug dili “Hello.” Salikwaot paminawon. Ang popular nga “Hello” gisugyot sa imbentor sa nagkalainlaing gamit sa komunikasyon nga si Thomas Edison ngadto sa presidente sa Telegraph Company imbes nga “Ahoy,ahoy” nga gisugyot ni Alexander Bell ang imbentor sa unang praktikal nga telepono.