CEBU, Philippines - Nasikop sa mga sakop sa Philippine Drug Enforcement Agency (PDEA) ang usa ka pusher og shabu sa usa ka buy-bust operation nga ilang gilusad didto sa Freedom Park, barangay Ermita ning dakbayan sa Sugbo sa miaging gabii.
Ang suspetsado mao si Gelcin Cañete, 27, ulitawo nga taga sitio Bato, Carbon sa maong barangay.
Si Jesie Tabanao, tigpamaba sa PDEA nagkanayon nga nagkasabot ang suspek ug ang usa ka PDEA agent kinsa nagpaka-aron ingon nga buyer ug nag-abot sa maong lugar alang sa transaksyon nga bali og P60 mil nga shabu
Human itunol sa ahente ang kuwarta, gitunol usab sa suspek ang duha ka bultong shabu ngadto sa ahente sa PDEA, dihadiha gisikop dayon siya ug giposasan.
Sa pagkakaron nagtingkagol na sa prisohan ang suspek samtang andam na ang kaso nga ipasaka batok kaniya. (Rey Pasaporte/WC) (BANAT)