CEBU, Philippines - Lalaking nangawat og manok nga nasakpan nakuhaan usab og usa ka bandol nga pinaugang marijuana sa miaging gabii sa Soco Village sa barangay Pagsabungan, dakbayan sa Mandaue. Ang nadakpan mao si Anecito Arcelo, 18 , taga Consolacion kinsa gialarma sa kapolisan nga nangawat kini og duha ka manok nga hiniktan. Si PO3 Jose Anero miila sa gikawatan og manok mao si Roland Tibon, 27. Ang suspek natultolan base sa impormasyon gikan sa mga nakakita ug sa ilang pagdakop kaniya nabawi ang duha ka manok ug nakuhaan kini sa maong pinaugang marijuana.
- BANAT NEWS