Koreano mosalmot sa street party

CEBU, Philippines - Ang  grupo sa  mga Koreano dinhi sa Sugbo mosalmot sa ipahigayong Kadaugan Street Party o KSP sa dakbayan sa Lapulapu sa umaabot nga Abril 27 ug 28 ning tuiga.

Matud pa ni  Lapulapu City Councilor Harry “Don” Radaza nga kalit kaayo ang hukom sa maong hugpong  sa Cebu Korean Association  gipangulohan sa ilang presidente nga si King Sung Yung .

Gumikan niini atol sa  maong kalihukan hatagan og higayon  ang mga Koreano nga makasalmot ang ilang mga dancer ug singer nga moawit  sa inila  na kaayong  mga  kanta.

Samtang  si Mayor Paz Radaza nalipay  kaayo  sa gipakitang  kadasig  sa mga  Koreano  sa pagsalmot  sa kalingawan  sa dakbayan sa Lapulapu. - BANAT NEWS