Respeto

CEBU, Philippines - Sa unsang paagi nga ang dili makamao morespeto muolbo sa tumang kasuko?

Sakto ka! Wala ka masayop, kini mahitabo sa higayon kun siya mismo dili makaangkon og respeto sa uban.

Sama nga ang usa ka hakog muolbo sa tumang kayugot sa higayon nga dili nimo kahatagan.

Angay ug matarong lang nga pahamtangan og silot sa Impeachment Court si Atty. Vitaliano Aguirre sa iyang tinuyo ug pag-angkon nga gitabonan niya ang iyang dunggan aron dili makadungog sa pagpangasaba ni Senator-Judge Meriam Defensor Santiago.

Isip usa ka pribadong sakop sa prosekusyon tataw sa maong aksiyon ang pag-insulto sa abogado sa nangasabang senadora-huwes atol sa ika-26 ka adlaw sa husay sa impeachment batok kang Chief Justice Renato Corona. Kay dili malalis nga sa bisan unsang sitwasyon sulod sa korte sa impeachment o sa bisan asang hukmanan kinahanglang magpabilin ang kahapsay ug pagtahod sa proseso.

Apan makatarunganon ba ang gibuhat ni Atty. Aguirre?

Sakto ka na sab! Wala gyud ka masayop, makatarunganon lang ang gibuhat ni Atty. Aguiree.

Buloy: Taympa sa Nyor! Naglibog naku! Angay ug matarong nga silotan siya, unya makatarunganon sab ang iyang gibuhat? Ano ba talaga kuya? (Toink!/Aguy)

Alang naku ang gibuhat ni Atty. Aguirre dako og ikatabang pagpahinumdom kang Senadora-Huwes Meriam Defensor Santiago nga ang iyang kaintelehente mahimo niyang ikapaambit pinaagi sa mabugnawon nga paagi.

Nga wala kinahanglana nga singgaakan, pakauwawan ug pakaubson pag-ayo ang mga tawo nga iyang nakitang nagkulang sa kahibalo.

Walay kwestiyon ang lakang sa Impeachment Court pag-contempt kang Aguirre apan nakasiguro ko isip usa sa mga kabus nga nagsunod sa husay, nga labaw pa sa “silot nga contempt” ang hilom nga hukom sa katawhan batok sa intelehenteng senadora.

Ginaingon “Respect earns respect”, busa dakong sumbanan ang kinaiya ni Senadora Meriam Defensor Santiago nga angayang likayan.

 Balik ta sa komedya oy! Seryoso ra kaayo atong drama ron da (Toink!).

(Kining asawa nga niimbistigar sa usa ka estranghera nga gikadulog sa iyang bana ok ra kaha ang pulong respeto)

Mana: Nganong nipatol ka sa akong bana.

Senyang: Nakita man gud sa imong bana Mam nga walay sapot iya kung gidala sa inyo aron iyang ihatag ang senina nga wala na nimo gamita akong girespetohan.

Mana: Unya?

Senyang: Gihatag sad niya ang imong sapatos nga wala na daw nimo gamita di ako sang girespetohan.

Mana: Unya ngano laging nakigdulog man ka?

Senyang: Iya man gud kong gipakita mam unya ingon siya nga wala na sab daw nimo na gamita mao ako na lang sang girespetohan(Toink!/Ayay!)

Hehehehehehehehehehehehehehe!

Amping mga misis!!!!..................

(emailad:[email protected])