DOLE nilusad sa Hotline 15/30

CEBU, Philippines — Gilusad sa Department of Labor and Employment (DOLE) ang Hotline 15/30 aron mas paspas nga matubag ang mga reklamo ug kabalaka sa mga mamumuo sa tibuok nasud.

Gipangulohan ni Labor Secretary Francis Tolentino ang paglusad sa hotline subay sa direktiba ni Presidente Ferdinand Marcos, Jr. nga mas sayon maangkon ang serbisyo sa gobiyerno.

Ang Hotline 15/30 nga ginganlan subay sa naandang petsa sa sweldo matag ika-15 ug ika-30 sa bulan mopuli sa kanhing hotline nga 1349.

Matud ni Tolentino nga magamit ang hotline 24 oras kada adlaw, pito ka adlaw matag semana ug adunay personnel nga motubag sa mga kabalaka sa mga mamumuo.

Gipahibalo usab niya nga magtukod ang DOLE og referral mechanism uban sa Technical Education and Skills Development Authority (TESDA) aron mapaabot ngadto sa maong ahensiya ang mga reklamo nga nagkinahanglan sa ilang serbisyo lakip ang pagbansay ug pagpauswag sa kahanas sa mga mamumuo. BDB BANAT NEWS