UV motanyag og Power and Safety Engineering course sa Hunyo

CEBU, Philippines - Ang University of the Visayas (UV) motanyag og curriculum nga Power and Safety Engineering sugod sa sunod tuig tingtungha. Ang maong curriculum didto magsukad sa Alberta, Canada.

Ang UV kauban ni Engr. Ron Gallardo, ang team leader sa planning and scheduling team   sa Husky Energy nga nag-base sa Canada alang sa pagbukas sa maong kurso.

Si Engr. Gallardo maoy presidente sa Strategic Project Management Ltd., usa ka kompaniya nga iyang gitukod didto sa Canada, nga tigpahigayon og consultancy, training ug pagpasulod og trabaho.

Matud pa ni Gallardo nga ang mga kurso nga Power Engineering and Safety Engineering, itanyag alang sa mga gradwado sa high school ug mga gradwado sa hain mang kurso sa engineering.

Kining kursoha molanat og lima ka tuig alang sa mga gradwado sa high school samtang kadtong mga gradwado sa engineering, duha nalang ka tuig ang ilang eskuylahan aron makompleto nila ang Power Engineering o ang Safety Engineering, sumala pa ni Gallardo.

“The course will run for five years for high school graduates. Those who have graduated from any engineering course will have to take an additional two years to complete the Power Engineering or Safety Engineering course,” .

Sa bahin ni UV President ug Cebu 1st District Congressman Eduardo R. Gullas, kining bag-ong kurso nga itanyag sa UV mohatag sa ilang mga estudyante og higayon sa   on-the-job training   o kaha panarbaho didto sa Canada. Kini tungod sa dakong bintaha ning maong kurso   kay gisagop kini gikan sa usa ka curriculum nga maoy gitanyag didto sa Alberta, Canada.

Ang UV mao pay una sa tanang tulunghaan sa nasud nga motanyag ning maong kurso . Mao kini ang mohatag og dakong bintaha sa atong mga estudyante, sumala pa ni Kongresista Gullas.

“UV is the first to offer such course in the country. This will be an advantage to our students,” he added.

Matud pa usab ni Gallardo nga ang mga enhinyero sa Power and Safety   didto sa Canada magdawat og suweldo nga labing minus $ 150,000 to 250,000 (Canadian Dollars) matag tuig .

Motrabaho og pito ka adlaw ug mo-day off usab og pito ka adlaw diin libre ang ilang pagpuyo uban ang gasto samtang anaa sila sa trabaho.

Gawas sa paggamit sa usa ka curriculum nga aprobado sa Canada,   ang mga estudyante hatagan usab og praktikal nga pagbansay kon training bahin sa paggamit   sa nagkalainlaing mga ekipo kon equipment.

Si UV Executive Vice President Jose “Dodong” R. Gullas miingon usab nga ang kompaniya ni Engr. Gallardo maoy mopagamit sa mga equipment nga maoy tun-an sa   mga estudyante .

Ang maong kurso dili lang kay puro theory tungod kay ang mga estudyante makakita man gyud , makahikap ug makakat-on sa paggamit sa mga ekipo nga maoy gigamit sa ilang mga kaubang estudyante usab nga tua mag-eskuyla sa Canada.

Busa kun mag-OJT na sila o kaha makatrabaho didto, suhito na sila sa maong mga kahimanan, sumala pa ni Gallardo.

“The course will not be all theory because the students will really be able to see, touch and learn how to use the very equipment used by their counterparts in Canada. This way, when they have their OJT or get employed there, they are already familiar with the equipment,” said Gallardo.

Midugang siya nga kining maong kurso katumbas sa first class nga kursong engineering sa Canada , ang labing taas nga kurso didto.

Ang kahigayonang makatrabaho didto sa Canada dako kaayo ug dili lang kay sa Canada ra kundi bisan ubang mga nasud nga may industriya sa petrolyo, sumala ni Gallardo.

“The likelihood of being hired is very high and the job opportunities are not limited to Canada but also extends to other countries that have a petroleum industry,” he said.

Si Engr. Gallardo migraduwar nga Magna Cum Laude sa Civil Engineering   sa University of the Visayas niadtong 1988.

Nagpuyo siya sa Canada sulod na sa 14 anyos ug motrabaho dinhi sa UV aron atimanon ang   Power and Safety Engineering course isip halad niya sa eskuylahang iyang gigikanan.

Matud pa ni Gallardo nga gusto siyang motabang sa mga estudyante dinhi sa UV , aron mawagtang ang dakong kal-ang sa edukasyon tali sa Canada ug Pilipinas , ug kini makatabang kaayo dinhi sa nasud ug sa samang higayon makahatag og dako kaayong paglaum sa daghan kaayong mga gradwado sa engineering kinsa nagpabiling wala pa makatrabaho , matud pa niya.

 “I want to help the students. This is also a way of eliminating the educational gap between Canada and the Philippines. This can help the country and at the same time give hope to a lot of engineering graduates out there who are still unemployed,” he said.  - BANAT NEWS