80 ka polis gikan CPPO gidugang sa puwersa CCPO

CEBU, Philippines -  80 ka mga polis karon nga gikan sa lalawigan sa Sugbo ang gidugang sa Cebu Provincial Police Office (CPPO) alang sa hugot nga siguridad karong adlawa nga maoy bisperas   sa Fiesta Señor dinhi sa Sugbo.

Kini ang gitug-an ni P. Sr. Supt. Patrocinio Comendador ang director sa Cebu Provincial Police Office sa mga sakop sa media sa dihang gikuhaan kini siya og pamahayag kalabot usab sa ilang pagpa-ngandam sa Fiesta Señor.

Matud niya nga bisan kun kalihokan kini sa syudad ila gayud nga gialarma ang tanang kwerpo sa kapolisan ilabi na sa Metro Cebu area nga maoy entrance ug exit point sa mga masupilon sa balaod.

Kini usab ang hinungdan nga iya kining gimando sa tanang mga hepe atol sa iyang Command Conference nga gipahigayon sa Capitol Social Hall sa miaging adlaw.   - (BANAT NEWS)