Taga Mandaue nanghinlo sa kanal

CEBU, Philippines - Ilusad sa kagamhanan sa dakbayan sa Mandaue karon ang operasyon sa pagpangabli    sa mga manhole ug paghinlo sa mga imbornal ug kanal aron kalikayan ang lunop.

Matud pa ni Mario Perez, ang lider sa ACERT nga ang maong kalihokan ilang gihimo human sila maleksyon sa bagyong Ramon nga mitadlas sa amihanang bahin   sa Sugbo sa miaging adlaw.  

Matud pa ni Perez nga ang ilang mga kanal ug imbornal napuno na sa basura hinungdan nga dili malusot ang tubig   sa uwan paingon sa dagat.

Matud pa niya nga motambayayong usab sa maong pagpanghinlo ang mga kawani sa Department of Public Service (DPS) City Engineering Office ug uban pang departamento sa kagamhanan sa maong dakbayan .

Gituohan nga pinaagi niini, kalikayan na ang paglunop sa dakbayan sa panahon nga mobundak ang uwan. (BANATNEWS)