'Sikad driver gipatay

CEBU, Philippines - Usa ka drayber sa traysikad ang nabiktima sa pagpamusil sa wala mailhing lalaki diha sa Tisa Public Market sa barangay Labangon kagahapon sa kaadlawon.

Patay na nga nakaplagan sa kapulisan si Edgar Alingasa, 47, residente sa Filter Side, Labangon ning dakbayan samtang padayon pang nangita ang kapolisan sa gikatahapan ug pagtumbok sa motibo sa krimen.

Sa imbestigasyon sa kapulisan adunay pinusilan sa tuong bahin sa iyang ulo nga milapos sa pikas nga bahin ang biktima.

Giingong diha kini natulog sa iyang traysikad dihang nahitabo ang pagpamusil.

Usa ka basiyo sa kalibre .9mm nga bala ug usa ka slug ang nakuha sa kapolisan sa crime scene. (BANATNEWS)