2 gipamusil angol

CEBU, Philippines - Samdan ang duha ka mga ulitawo   human pamusila sa duha ka wala hiilhing kriminal didto sa sitio Tigkahon sa barangay Bankal, dakbayan sa Lapulapu sa miaging kaadlawon.

Ang mga biktima mao sila si Jesson Cosep, ug Albert Bianez, pulos hingkod ug ulitawo, nga pulos mga tinun-an sa high school ug nagpuyo sa maong dapit.

Si PO2 Carlos Barluado sa homicide section sa kapolisan sa maong dakbayan miingon nga gikan pa nga mitambong sa birthday sa ilang classmate   ang mga biktima ug padulong na silang namauli   kauban sa mga classmate nilang babaye dihang nasugatan nila ang duha ka mga batan-on   nga wala nila hiilhi ug sa walay igong hinungdan gipamusil sila.

Matud pa ni PO2 Barluado nga si Bianez naigo sa bukton samtang si Cosep nasabak usab sa buko-buko ug didto sila molandig   sa Mactan Doctors Hospital sa barangay Basak sa maong dakbayan.

Padayon pang gipangita sa kapolisan ang mga kriminal.(WC)  (BANATNEWS)