P124 mil nga gamit sa radyo gihatag ngadto sa MCPO

CEBU, Philippines -   Gitugyan na ngadto sa Mandaue City Police Office (MCPO) sa kagamhanan sa dakbayan sa Mandaue ang 25 ka battery packs sa handheld radio ug ingon man ang pito ka mga power supply nga nagkantidad og P124,000.

Gitunol ni Mayor Jonas Cortes ang maong mga kahimanan sa komunikasyon sa kapolisan ngadto kang SPO4 Matio Retuya nga maoy supply officer sa MCPO.

Si Retuya miingon nga adunay mga 30 ka handheld radio ang MCPO apan dili na nila magamit tungod kay pulos na depektoso ug dako kaayo ang epekto niini sa ilang operasyon.

Matud pa ni Retuya nga gumikan sa nasinating problema midangop sila sa dakbayan aron magpatabang pagpalit sa maong mga gamit. Dugang nahipos nga kasayuran, ang MCPO adunay upat ka mga handheld radios apan tulo na lamang ang functional niini. (BANAT NEWS)