93-1 lot balhinan sa taga mahiga

CEBU, Philippines - Usa karon sa nahunahunaan ni Mayor Michael Rama ang pagbalhin sa mga apektadong pamilya sa Mahiga Creek ngadto sa kontrobersyal nga 93-1 lot nga gipanag-iya sa lalawigan sa Sugbu sa sulod sa siyudad.

Ang maong lakang gisugyot ni Rama kang Gob. Gwendolyn Garcia kagahapon atol sa tigom sa Metro Cebu Development Coordination Board apan wala pa mohatag og tubag ang gobernador apan naglaom siyang mosugot ang naulahi. “Imbes nga mag-balik probinsya ang mga tawo nga naapektohan sa demolisyon sa Mahiga, diri na lang sila mag-istar kay kasagaran baya ani nila kay dinhi na nagtrabaho,” matud pa ni Rama.

Masaligon si Rama nga matubag niini ang maong problema apan magpadayon gihapon sila pagpangita og mas haom nga relokasyon. (BANATNEWS)