Polis namatay atol sa iyang trabaho

CEBU, Philippines -  Patay nang nadangat sa tambalanan ang luyo-luyong hepe sa kapulisan sa lungsod sa Sta. Fe sa isla sa Bantayan human kini gi-atake atol sa oras sa iyang duty niadtong Martes sa alas 4:00 sa hapon. Ang namatay mao si SPO1 Antonio Illot, molupyo sa barangay Poblacion ug deputy chief sa Sta. Fe Police.

Matud ni PO2 Ben Almonicar, desk officer sa Sta. Fe Police dihang nahinabi sa Banat News nag-duty pa kini niadtong higayuna ug nananghid nga mopauli aron sa pagkuha sa iyang folder nga nahabilin sa ilang pinuy-anan nga dili layo gikan sa police station. Apan namatikdan nalang nga nangayo na og panabang ang mga kabanay niini nga nangayo og ambulansya aron kini ihatud sa tambalanan tungod kay kalit nga nakuyapan ang maong polis sa ilaha.

Daling gihatod sa Bantayan District Hospital si Illot apan dangtan og 20-minutos namatay kini sumala pa ni Dr. Lee Pua. Ang findings sa mga doktor adunay sakit nga hepatitis, pneumonia ug komplikasiyon sa diabetes ang maong polis. (BANAT NEWS)