Palma, sama ni Vidal mag-ampo alang ni VG Sanchez

CEBU, Philippines - Si Cebu Archbishop Jose Palma mipadayag sa iyang tim-os nga pag-ampo ngadto sa masakitong si Bise-Gobernador Gregorio Sanchez nga nakigbisog karun sa sakit nga cancer sa baga.

Giawhag ni Palma ang pamilya ni Sanchez nga magpabiling lig-on alang sa masakitong bise-gobernador.

“Difficult as it is, we have to face this. The Lord is with us in this difficult times,” pasabot pa ni Palma.

Matud pa ni Palma atol sa iyang wali nga walay angayan nga kahadlokan ang usa ka tawo kun makasugat kini og mga pagsulay sa kinabuhi kini tungod kay anaa man ang Labaw’ng Makagagahom nga maoy motabang.

Ang maong wali ni Palma, nagpadayag ngadto sa pamilya ni Bise-Gobernador ug pamilya niini nga ang pag-ampo ug mamahimong lig-on alang sa masakiton nga bise-gobernador maoy makatabang niini.

“To all people who have many fears, I think Christians need such a message to remind us that it’s not only us who suffer but also God. He too suffered, but ahead of us. In life, we have little, or practically nothing to rely upon. Even doctors sometimes couldn’t help us when it comes to sickness and death” pasabot pa ni Palma.

Nasayran nga si Bise-Gobernador Sanchez aduna nay stage 4 lung cancer apan ang kabanay niini pabiling nagtuong adunay milagrong mahitabo.

Si kanhi Cebu Archbishop Ricardo Cardinal Vidal mibisita kang Sanchez niadtong milabay’ng adlaw’ng Biyernes ug mipasalig nga mogahin og oras alang sa pag-ampo sa kaayuhan ni Sanchez. Padayun pa kini karun nga nagkigbisog sa maong sakit. (BANAT NEWS)