CEBU, Philippines -Patay nang napalgan ang usa ka graduating student sa high school human kini malumos atol sa gipahigayon nga birthday party sa usa niya ka higala pasado alas-11 kagahapon sa buntag sa barangay Buloc lungsod sa Barili.
Ang namatay nailhan nga si Jaymark Rosales, 17, molupyo sa barangay Balao sa maong lungsod ug nagtungha sa Bulac National High School sa lungsod sa Dumanjug.
Sa pakighinabi sa Banat News ni SPO1 Gerard Larong misaysay kini nga nangaligo sa usa ka swimming pool resort sa Bulok-Bulok ang grupo ug giingong naabot kini sa lawom nga bahin.
Pipila ka minutos ang nakalabay, ang kauban niini nga si Richard Borasca nga maoy nagselebrar sa iyang adlaw’ng natawhan maoy nakakaplag sa biktima ug gidala sa Barili District Hospital apan gideklarar usab kini nga dead on arrival. - BANAT NEWS