CEBU, Philippines - Tungod sa gihambing problema sa mata gumikan sa cataract usa ka 28-anyos nga lalaki ang misuway pagpakamatay pinaagi sa pagdunggab sa iyang kaugalingon diha sa barangay Tonggo sa lungsod sa Alegria kagahapon sa alas 3:00 sa kaadlawon.
Ang amahan sa buot maghikog mitug-an sa report sa DyDD nga nahinanok sila sa pagkatulog niadtong higayuna ug ilang namat-an ang kasikas diha sa ilang sala ug dihang gisusi nakit-an niini ang anak nga nagkadugo na ug may dakong hiwa sa tiyan samtang nagkupot og kutsilyo.
Dali dayun nila kining gitabang ug gidala sa Vicente Sotto Memorial Medical Center sa dakbayan sa Sugbo.
Gibutyag sa amahan nga sa milabay’ng mga adlaw ilahang namatikdan ang anak nga kanunay’ng maghinuktok tungod sa iyang kaguol tungod sa cataract sa iyang mata nga nakasambol sa iyang panan-aw ug wala silay ikagasto pagpatangtang niini. - BANAT NEWS