Asawa ug anak sa priso nakadawat og tseke
CEBU, Philippines - Laing kabanay na usab sa usa ka kanhi inmate sa Cebu Provincial Rehabilitation Center (CPDRC) ang nakadawat og tabang gikan sa Kapitolyo sa administrasyon ni Gob. Gwendolyn Garcia.
Personal nga gidawat sa asawa ug anak ni Basilio Badano ang tseke nga P5mil gikan sa Provincial Social Welfare Office.
Si Badano naghikog patay sulod sa bilanggoan niadtong Oktobre 25 sa miaging tuig.
Dihang nakit-an sa jail officers sa CPDRC, dali kini nga gidala sa tambalanan apan pipila ka adlaw sukad siya ma ospital, nakabsan ra usab kini sa iyang kinabuhi.
Matud ni Provincial Social Welfare Officer Wilson Ramos nga ang pagtunol sa ilang buhatan sa maong hinabang tipik sa polisiya ni Garcia nga tabangan ang kabanay sa mga namatay nga piniriso.
Ang maong polisiya sa administrasyong Garcia gihangop pag maayo sa mga kabanay sa mga piniriso.
Gani, gipaabot sa asawa ni Badano nga si Estrella ang ilang kinasing kasing nga pasalamat ngadto sa gobernador. Matud niya nga daku kaayong tabang ang maong kantidad sa ilahang panginabuhian labi na gayud sa iyang mga anak. - BANAT NEWS
- Latest
- Trending
