Gasa gikan sa sundawo

CEBU, Philippines - Ang mga kabataang nagtungha sa Matin-ao Elementary School sa barangay Matin-ao, lungsod sa Carmen, lalawigan sa Bohol nakadawat og pinaskohan gikan sa kasundalohan sa kagamhanan.

Ang maong gasa nga pinaskohan mao ang usa ka eskuylahan nga gitukod sa   53rd Engineerng Brigade sa Philippine Army. Ang duha ka classroom nga tulunghaan giinugurahan niadtong Biyernes sa buntag   nga gitambongan sa pipila ka mga opisyal sa lungsod uban ni Gobernador Edgar Chatto ug ni Mayor Conchita Delos Reyes sa Carmen. Misaksi usab sa maong inugurasyon ang kadagkoan sa National Development Support Command (NADESCOM) sa Armed Forces of the Philippines nga gipangulohan ni Major General Carlos Holganza.

Ang maong proyekto maoy kabahin sa usa ka long term partnership sa education program tali sa provincial government sa Bohol ug sa Armed Forces NADESCOM sa tinguha nga ikahatag ang de kalidad nga edukasyon   ngadto sa kapin sa usa ka libo ka mga barangay sa maong probinsya pinaagi sa usa ka Memorandum of Agreement (MOA) nga gipirmahan niadtong Nobiyembre ning tuiga.

Nasayran usab nga gigahinan sa kagamhanan sa lalawigan sa Bohol og P 780 mil ang maong proyekto , diin ang mga sundawo sa Armed Forces NADESCOM, ug 53rd Engineer Brigade maoy mipanday.

Gawas sa duha ka lawak saringan, may nagkalain-lain pang mga gamit alang sa maayong pagtuon sa mga   estudyante sama sa E-learning module on DVD with Television set nga gidonar sa ABS-CBN lakip na ang libre nga pagbansay sa mga magtutudlo.

Gawas niini may pipila pa usab ka text book ug mga school supply ug labaw sa tanan mao ang usa ka unit sa computer.

Matud pa ni   Delos Reyes nga usa ka dakong pinaskohan sa iyang lungsod ang pagtukod sa maong school building.

“Isa po itong napalakaing pamasko para sa ating lahat at nangyari po ang lahat sa loob ng isang buwan not just two rooms but also gadgets, equipment to make it complete, wala nang hahanapin pa ang ating mga estudyante at mga guro,” sumala pa ni Delos Reyes. (BANAT NEWS)