CEBU, Philippines - Usa ka 4-anyos nga batang babaye ang nabiktima sa pagpanglugos pasado alas-2 sa hapon sa barangay Poblacion lungsod sa Moalboal samtang ang bata padulong sa ilang tunghaan.
Samtang ang suspetsado nailhan nga si Zosimo Gabales, molupyo sa barangay Poblacion West sa maong lungsod.
Base sa inisyal nga imbestigasyon sa kapolisan sa lungsod sa Moalboal nasayran nga ang biktima sakay sa usa ka traysikad nga gimaneho sa suspetsado patubang sa tunghaan sa biktima. Apan giingong sa wala pa kini maabot sa ilang tunghaan giingong gipahimuslan sa suspek ang bata pinaagi sa pagpasulod sa tudlo niini sa kinatawo sa bata.
Sumala pa sa imbestigasyon human niini gihatagan sa suspek og candy ang biktima aron dili patug-anon. Apan ang bata human magkita sa inahan nianang adlawa daling misumbong sa gibuhat sa suspek. Ang inahan sa bata daling miadto sa kapolisan ug gireklamo ang gibuhat sa suspek hinungdan nga dali kini nga gidakop sa kapolisan.
Sa pakighinabi sa Women’s Desk officer nga si PO1 Jenny Lind Awe sa maong estasyonan miingon nga mitug-an ang biktima nga gihilabtan ang iyang kinatawo pinaagi sa pagsulod sa kamot sa suspetsado sa dihang misakay siya sa traysikad sa suspetsado ug gibayran kini og usa ka candy. (BANAT NEWS)