CEBU, Philippines - Ang Kapisanan ng mga Brodkaster ng Pilipinas-Cebu Chapter nakigtambayayong sa panawagan sa kagamhanan sa siyudad sa Sugbo nga magtinabangay sa pag-panglimpiyo sa palibot aron maminosan ang pagkuyanap sa dengue. Kahinumduman nga mihangyo si Mayor Michael Rama sa KBP nga mohimo og information drive aron malikayan ang nahisgutang sakit.
Nagkanayon ang mayor nga dako kaayo og matampo ang media sa pag-edukar sa mga tawo partikular sa saktong buhaton aron dili na mosaka ang kaso sa dengue nga gikabalak-an og maayo karon sa mga residente sa siyudad. Samtang gipadayag sa Public Information Officer sa siyudad nga si Carlo Dugaduga nga mao usab ang kasamtangang presidente sa KBP-Cebu nga taud-taud na nga pipila ka istasyonan ang nag-play og mga radio plug kalabot sa kampanya batok sa dengue. (BANATNEWS)