CEBU, Philippines - Ang konseho sa dakbayan sa Sugbo gitakdang mopalabang og resolusyon nga mag-awhag sa kapolisan nga mopaubos sa usa ka seminar bahin sa kalikopan.
Matud pa ni Konsehal Jun Pe, tsirman sa committee on public order and safety, nga kasagaran sa mga polis walay kalibotan bahin sa mga balaod nga may labot sa environment ug sa mga ordinansang lokal kalabot niini.
Miingon si Pe nga kun makakat-on na ang kapolisan sa mga balaod bahin sa kalikopan, sila na unya ang tahasan sa pagpatuman sa maong balaod.
Sa nasayran, adunay mga opisyal sa barangay sa dakbayan nga ge-deputized sa pagpatuman sa mga Environmental Laws ug sa ubang lokal nga ordinansa.
Apan matud ni Pe nga bisan ang mga opisyal sa barangay patambungon gihapon og seminar bahin sa kalikopan aron makakat-on gayud sila sa pagsikop sa mga malapason sa maong balaod. (BANAT)