CEBU, Philippines - Usa ka bana nga gibiyaan sa iyang asawa naghikog pinaagi sa pakot sa sapatos nga gihikot sa iyang liog didto sa ilang balay sa New Frontier St. Barangay Mabolo dakbayan sa Sugbo, sa miaging gabii.
Siya si Gary Alcoseba, 39, usa ka drayber nga taga Mabolo.
Si SPO3 Ray Cuyos sa Mabolo Police Station mibutyag sa Banat News nga ang namatyan ni Alcoseba mao ang duha ka pakot sa sapatos nga iyang gisumpay ug ang pikas tumoy maoy gibitik sa iyang liog samtang ang pikas tumoy didto igaid sa sagbayan sa ilang balay.
Ang asawa niining si Juliet Alcoseba miangkon nga iya kining gibiyaan tungod kay wala na siya kaantos sa kinaiya niini ilabi na kun mahubog.
Gumikan sa kaguol kay wala nay asawa, hinungdan nga naghikog kini , matud pa sa kapolisan. – BANAT NEWS