Wanted sa kasong pagpamusil- patay gisikop

CEBU, Philippines - Usa ka wanted sa kasong pagpamusil patay nadakpan na human sa siyam ka tuig nga pag tago-tago kagahapon sa buntag diha sa sitio Alaska, barangay Mambaling, dakbayan sa Sugbo.

Ang nadakpan sa grupo ni Insp. Lirio Coral, chief investigation branch ug ang iyang mga kaubanan ang maong wanted nga nailang si Ruben dela Victoria alas “Pidol,” 24, ug molupyo sa C. Padilla St. sitio Alaska sa barangay Mambaling ning dakbayan.

Ang suspek nag-atubang og kasong pagpamusil patay sa upat ka tawo nga sila si James Mitchel Piquinto sa milabay’ng Hunyo 2001; Roel Ylaya niadtong Oktubre 2003, ug usa ka alias “Intsik” ug lain usab nga alias “Jun-jun” niadtong Hunyo 2005.

Niadto lang Nobiyembre 20, 2005 migawas ang maong warrant of arrest sa RTC Branch 21 sa una niyang kasong pagpusil patay. - BANAT NEWS