CEBU, Philippines - Usa ka estudyante nabulit sa bun-og human kini tabangi og puspos sa duha ka wala hiilhing lalaki didto sa Pelaez Street, dakbayan sa Sugbo sa miaging gabii.
Ang biktima mao si Rex Elmer Tibon, 23, 3rd year law student sa University of San Carlos nga taga Singson Village, dakbayan sa Mandaue.
Sumala pa ni SPO4 Alex Dacua sa Cebu City Police Office nga ang biktima kauban sa iyang mga school mate nga sila si Michael Escado ug Dexter Bascon,nagpaabot og taxi aron mopauli na sa ilaha dihang kalit lang miabot ang duha ka wala hilhing lalaki nga nagdala og puspos.
Walay pupangutana, gitabangan dayon og kulata ang biktima ug unya gipusposan sa wala matinong bunal, puthaw ba o kaha kahoy.
Ang duha ka kauban sa biktima nanagan usab sa paglikay nga mapagan sila sa maong pamaregla. Hinuon gibiyaan ra sa mga kriminal ang biktima dihang nalup-og na kini sa yuta.
Gihatod dayon ngadto sa tambalanan an g biktima samtang gipangita pa sa kapolisan ang miparegla kaniya. – BANAT NEWS