CEBU, Philippines - Usa ka gibana-banang duha ngadto sa tulo ka bulang puya ang napalgan sulod sa simbahan sa Basilica del Santo Niño alas-8 sa miaging gabii sa barangay Santo. Niño ning dakbayan.
Ang puya wala pa matino kun lalaki ba o babayeng gibutang lang sa usa ka garapon sa ice cream ug giputos og plastic dihang napalgan sa gwardiyang si Alem Saga, 34.
Dihang iyang gisusi nakugang nalang siya usa ka puya ang sulod niini hinungdan nga iyang gi-report sa Waterfront Police Station.
Ang kapolisan blanko gihapon karun kon si kinsa ang inahan nga walay puangod nga mipatay ug milabay sa maong puya, gisubay karon sa kapolisan kun duna bay nakuhang video footage ang close-circuit TV aron pagsusi kun si kinsay mibilin niini. – BANAT NEWS