6 mil ka mga kabus sa Mandaue nakadawat og PhilHealth card

CEBU, Philippines - Mokabat sa 6,000 ka mga kabus nga molupyo sa kabarangayan sa dakbayan sa Mandaue ang nakapahimulos sa Philhealth program sa kagamhanan sa maong dakbayan.

Didto nila dawata ang maong mga Philhealth card sa City Hall sa Mandaue atol sa pagpanumpa ni Mayor Jonas Cortes sa miaging semana.

Si Cortes nga nahinabi sa Banat News miingon nga ang buhatan sa social welfare sa dakbayan maoy nagpili sa mga molupyo nga gipanghatagan sa maong mga card.

Gitataw ni Cortes nga naluoy kaayo siya sa mga kabus nga usahay makabsan nalang sa kinabuhi kay walay ikapalit og tambal, busa sila maoy gipanghatagan sa maong mga Philhealth card.

Gitataw ni Cortes nga ang mga kabus sa dakbayan nga sakop sa Philhealth , gilibre sa gobyerno ang ilang bayranan aron makapatambal sila sa mga hospital nga akredito sa Philhealth Insurance. (BANATNEWS)