Kakulang sa skilled manpower para sa eleksyon sulbaron

CEBU, Philippines — Agi’g pagpangandam sa 2025 mid-term elections, ang Commission on Elections (COMELEC) ug ang Commission on Higher Education (CHED) ipaubos ang mga magtutudlo nga moserbisyo sa eleksyon sa pag-operate sa mga makina nga gamitonon atol sa pagbotar.

Si CHED Chairperson J. Prospero E. De Vera III , miingon nga usa sa dakong problema kada eleksyon sa Pilipinas mao ang kakuwang sa skilled manpower sa nagkadaiyang aspeto sa eleksyon.

Tungod niana, nipirma og Memorandum of Agreement (MOA) ang DepEd ug ang CHED aron magpahigayon og educational trainings sa information technology, ilabi na alang sa technical support personnel ug consolidated canvassing system (CCS) technicians, nga pagahimoon sa Higher Education Institutions (HEIs) ubos sa CHED.

Samtang matud ni COMELEC Chairman George Erwin Garcia, ang mga magtutudlo, miyembro sa faculty, ug mga estudyante sa information technology ang makatambayayong nila atol sa eleksyon.

Karong Mayo 12, 2025 na ang mid-term ug gibanabanang 70 milyones ka Filipino ang mamotar sa maong adlaw. (BANAT NEWS)