Bombero ug uyab gipamusil sa nagmotor

CEBU, Philippines - Usa ka bombero ug iyang uyab gipusil sa duha ka wala mailhing mga lalaking nagsakay og motorsiklo diha sa sitio Katera, sa barangay Cabitoonan dakbayan sa Toledo sa milabay’ng adlaw.

Parehong nangalandig sa tambalanan sila si SFO2 Isabelo Diaz, 50, residente sa Subayon, Toledo City ug Irish Manlangit, 18, residente sa nahitaboan.

Padayon pa ang kapolisan pag-ila sa mga gikatahapan nga daling nakaikyas luwan sa usa ka Honda TMX kinsa giingong kalit nga mirakrak sa duha samtang sila nagsakay usab og motorsiklo.

Ang mga biktima gidala sa Toledo City District Hospital gumikan sa nagkalain-laing samad pinusilan sa kalawasan. – BANAT NEWS