CEBU, Philippines - Gipangandaman na sa Department of Education (DepEd) 7 ang pagtudlo sa pinulongang Binisaya sa mga kabataan nga nagtungha sa primarya ug elementarya dinhi sa rehiyon7.
Nunot sa maong pagpangandam si DepEd 7 Regional Director Recarido Borgonia nakigtagbo na sa kadagkoan sa mga nagkadaiyang kahugpongan nga nagpalambo sa maong lumadnong pinulongan.
Si Atty. Cesar Kilaton Jr. nga maoy chairman ug founder sa Dagang Foundation Inc. (DFI) kun kapunongan sa mga magsusulat sa pinulongang Binisaya dinhi sa Sugbousa sanakatambong sa maong panagtigom.
Si Kilaton nga nahinabi sa Banat News miingon nga kabahin sa maong pagpangandam nga gihimo mao ang pag-ila sa mga dapit dinhi sa rehiyon nga napili nga pilot area sama saSugbo, Bohol ug Negros Oriental.
Matud pa ni Kilaton nga si Mayor Adelino Sitoy nga kanhi pamuno sa Lubasnong Dagang Bisaya (LUDABI)lakip usab sa mitambong sa maong panagtigom kinsa misugyot nga ang ilang dapit sa lungsod sa Cordova kinahanglangmahilakip usab sa mga mahimong pilot area dinhi sa Sugbo.
Si Kilaton miingon nga labing mahinungdanon pa ang pagtudlo sa lumadnong pinulongang Binisaya kay sa gisugyot sa DepEd nga pagtudlosa sex education nga nahimong controversial tungod sa mga pagsupak sa simbahan ug uban pang sector sa katilingban. – BANAT NEWS