Naeskapohang Polis Sa Lapulapu Gipasakaa'g Reklamo Sa Kauban

CEBU, Philippines - Gikiha sa hepe sa Crime Against Persons Desk (kanhi TRS) ang duha ka mga pulis nga naeskapohan og usa ka binilanggo diha sa Palace of Justice sa dakbayan sa Lapulapu sa milabay’ng semana.

Ang gipasakaan og kasong kriminal ug administratiba ngadto sa piskaliya mao sila si SPO3 Jesus Gimenea ug PO2 Cerilo Lagumbay nga maoy jailers sa Lapulapu City Police Office.

Si SPO3 Gimenea ug PO2 Lagumbay maoy nagbantay ni Miguel Manlapas nga nag-atubang og kasong pagpangawat ug pagpanulis sa dakbayan sa Lapulapu apan nakaeskapo kini sulod sa korte sa dakbayan sa Lapulapu samtang nagpaabot sa iyang commitment order.   (BANATNEWS)