CEBU, Philippines - Gipasalig ni retired Col. Rico Palcuto kinsa kandidato pagka-bise mayor sa dakbayan sa Sugbo sa piniliay karong Mayo 10, nga ipatigbabaw niya ang rule of law sa pagpuo sa krimen ning dakbayan sa Sugbo sa panahong makalingkod siya sa katungdanan. Iyang gipasabot atol sa Camp Forum niadtong Sabado didto sa Baseline Restaurant nga wala siya’y palabihon sa pagpatuman sa balaud bisan kun mokisikisi pa ang mga kaparian sa panahong may mga makalas nga kinabuhi sa iyang misyon.
Ang maong pamahayag gihimo ni Palcuto gumikan sa kasinatian sa kagamhanan sa dakbayan dihang gipamatay sa mga vigilantes ang mga bantugang mga tulisan, snatcher ug uban pang banggiitang tigpasiugda sa nagkalainlaing krimen ning syudad diin ang kaparian sa simbahang Katoliko, taga Commission on Human Rights ug uban pang kapunongan nagpunay og hiwasa kay gipuo ang mga kriminal. – BANAT NEWS